कोरिया इपिएस शाखाले कोरियन भाषा परीक्षाको फारम भर्न कोटा नतोकिएको धेरै कोटा हुन सक्ने !

Sharing is caring!

फागुन ३०

काठमाडौँ ,कोरियन भाषा परीक्षाका लागि चैत ८ गतेदेखि आवेदन खुल्ने भएको छ । सन् २०१९ का लागि कोरियाले नेपाली श्रमिकको कोटा निर्धारण गरेर पठाएपछि भाषा परीक्षाका लागि आवेदन दिने मिति तय गरिएको हो ।  

शाखाले सूचना निकालेर आउँदो चैत ८ गतेदेखि १७ गतेसम्म फारम भर्ने मिति तय गरेको हो । परीक्षा २०७६ जेठ २५ र २६ गते सञ्चालन हुने पनि ईपीएसले जनाएको छ । काठमाण्डौ र पोखरामा परीक्षा सञ्चालन हुने भए पनि परीक्षास्थल र परीक्षाको समय जेठ १९ गते तय गरिने ईपीएस शाखाले जनाएको छ । 

सञ्चारमाध्यममा पहिलो चरणमा १२ हजार जनाको फारम मात्रै लिइने भनेर समाचार सार्वजनिक भएकोमा इपिएस कोरिया शाखाले त्यो समाचार सत्य नभएको स्पष्ट पारेको हो ।

शाखाका निर्देशक कृष्णप्रसाद खनालले फारम भर्न कुनै सङ्ख्या नतोकिएको बताउनुभयो । ‘फारम भर्न सङ्ख्या तोकिएको होइन’ खनालले उज्यालोसँग भन्नुभयो ‘त्यो १२ हजार चाहिँ पोखरामा तोकिने परीक्षा केन्द्रबाट परीक्षा दिन पाउने परीक्षार्थीको सङ्ख्या मात्रै हो ।’

पोखरामा १२ हजारभन्दा धेरै विद्यार्थीको परीक्षा लिन नसकिने भएकाले पोखरामा दिन चाहने गरी फारम भर्नेमध्ये सुरुमा भर्ने १२ हजारले मात्रै पोखराबाट परीक्षा दिन पाउने उहाँले बताउनुभयो । बाँकीले परीक्षा दिन काठमाण्डौं नै आउनुपर्ने छ । 

Leave a Reply

shares