वैदेशिक रोजगारीमा गएका नेपाली कामदारको शव ढुवानीमै १ करोड २१ लाख खर्च।

Sharing is caring!

बैसाख ०२

काठमाडौँ ,वैदेशिक रोजगार प्रवद्र्धन बोर्डका अनुसार ५ सय १९ मृतक कामदारको शव ढुवानी गर्न १ करोड २१ लाख खर्च भएको सूचना दिएको छ । साउनदेखि फागुनको दोस्रो सातासम्मको अवधिमा त्रिभुवन अन्तर्राष्ट्रिय विमानस्थलबाट मृतकको घरसम्म शव लैजाँदा उक्त रकम खर्च भएको बोर्डले जनाएको छ ।

यस अवधिमा वैदेशिक रोजगारमा गएका मृतक कामदारमध्ये ५ सय १० पुरुष र ९ महिला रहेका छन् । यो अवधिमा ज्यान जाने कामदारको संख्या भने ५ सय ५३ रहेको छ । विदेशमा कागजी प्रक्रिया पुगेको मृतक कामदारको शव १ हप्ताभित्र आइपुग्ने तर कागजात नपुगेको मृतक कामदारको शव आइपुग्न बढीमा एक महिना लाग्ने गरेको वैदेशिक रोजगार प्रवद्र्धन बोर्डका सूचना अधिकारी दिनबन्धु सुवेदीले बताउनुभयो ।

अघिल्लो आर्थिक वर्ष २०७४/२०७५ मा वैदेशिक रोजगारीका क्रममा विदेशमा मृत्यु भई नेपालको विमानस्थलसम्म आइपुगेका ६ सय ११ पुरुष र १४ जना महिला गरी ६ सय २५ कामदारको शव उनीहरुको घरसम्म पुर्‍याएको वैदेशिक रोजगार बोर्डको तथ्याङ्कले देखाएको छ । 

वैदेशिक रोजगार नियमावली, २०६४ अनुसार वैदेशिक रोजगारमा गएका मृतक कामदारको शव निज कामदारको नजिकको हकवालाले दिएको निवेदनअनुसारको घर ठेगानासम्म निःशुल्क पुर्‍याउन वैदेशिक रोजगार बोर्डले सहयोग गर्ने व्यवस्था रहेको छ । यो खबर आजको नेपाल समाचारपत्रमा छ ।


Leave a Reply

shares